دنیا بھر میں پائے جانے والی دس حیرت انگیز روایات

  اٹلی میں ہونے والی مالٹوں کی جنگ

آپ حیران ہوں گے سن کر اٹلی میں ہر سال تین دن تک ایک جشن منایا جاتا ہے جس میں اورنج وار ہوتی ہے۔ یہاں کے لوگ دو گروپس بنا کر ایک دوسرے پر اورنجز سے حملہ کرتے ہیں۔ اس ایوینٹ کو (کارنیویل ڈی ایوریا) کہا جاتا ہے۔ ایک تحقیق کے مطابق اٹلی کے لوگ یہ جشن ایک غاصبانہ شہنشاہیت سے آزادی کی یاد میں مناتے ہیں۔

دنیا میں ہونے والی یہ سب سے بڑی فوڈ بیٹل ہے۔  لوگ اس بیٹل کو بہت انجوائے کرتے ہیں۔ لیکن یہ بات یقینی ہے کہ اس بیٹل کو جوائن کرنے والے جہاں دوسروں کو مالٹے مارتے ہیں، وہاں دوسرے بھی انھیں مارتے ہیں۔ اس لیے جن لوگوں میں مالٹے کی چوٹ کھانے کا حوصلہ نہیں ہوتا وہ تھوڑا دور کھڑے ہو کر صرف نظارہ دیکھتے ہیں۔

سپین میں ہونے والا بے بی جمپنگ فیسٹول

سپین کے ایک گاؤں میں سال میں ایک بار یہ عجیب و غریب فیسٹیول ہوتا ہے جس میں ایک سال پہلے پیدا ہونے والے بچوں کو ایک قطار میں لٹایا جاتا ہے اور ایک شخص شیطان کے بھیس میں ان کے اوپر سے چھلانگ لگاتا ہے۔ ان کا کہنا ہے کہ اس طرح وہ شیطان ان بچوں کے گناہ، مصیبتیں اور بیماریاں اپنے ساتھ لے جاتا ہے۔ پہلے پہل تو یہ رسم صرف ایک گاؤں تک محدود تھی لیکن اب دنیا بھر سے لوگ اپنے بچوں کو سپین لے کر جاتے ہیں اور ان کے اوپر سے شیطان کا جمپ لگواتے ہیں

۔  ڈنمارک کی دارچینی والی برتھ ڈے پارٹی

دوستو ڈنمارک میں جب کوئی پچیس سال کی عمر کو پہنچنے کے باوجود کنوارہ ہوتا ہے تو اس کے دوست اور رشتے دار اس کی پچیسویں سالگرہ پر اسے دارچینی میں نہلا دیتے ہیں۔ کہا جاتا ہے کہ صدیوں پہلے مصلحہ فروش لوگوں کو ملکوں ملکوں سفر کرنا پڑتا تھا جس کی وجہ سے وہ بیچارے کنوارے ہی رہ جاتے تھے۔

اس رسم میں وہ کنوارا تو بیچارہ دارچینی میں نہا جاتا ہے لیکن اس کے دوست اس کھیل کو بہت اجوائے کرتے ہیں۔ اور ہاں اگر تیس برس کا ہونے تک بھی اس کی شادی نہ ہو تو دارچینی کو کالی مرچوں سے بھی بدلا جا سکتا ہے۔

۔ تھائلینڈ میں ہونے والا مونکی بوفے فیسٹیول:

سینٹرل تھائلینڈ کے لوب پوری علاقے میں واقع خمر مندر بندروں سے بھرا ہونے کی وجہ سے مشہور ہے۔ یہاں ہر سال نومبر کے آخری اتوار مونکی بوفے کا انتظام کیا جاتا ہے۔ ہندو مذہب کا یہ مندر بھگوان ہنومان سے منسوب ہے جس کی شبیہہ بندر جیسی ہے۔ لوگ ان بندروں کے لیے اس عالیشان کھانے کا اہتمام کر کے ان کا شکریہ ادا کرتے ہیں کیونکہ وہ سمجھتے ہیں کہ ان کے علاقے میں خوش قسمتی اور رزق انھی بندروں کی وجہ سے ہے۔

۔ جرمنی میں شادیوں پر برتن توڑنا:

سننے میں کافی عجیب لگتا ہے کہ شادی کی تقریب میں برتن توڑے جائیں۔ لیکن ساؤتھ جرمنی میں ایسا ہوتا ہے کہ شادی سے پہلے ایک گرینڈ تقریب رکھی جاتی ہے جس میں برتن توڑے جاتے ہیں۔ ان برتنوں میں چینی پتھر کی پلیٹس، مَگز اور گلدان وغیرہ ہو سکتے ہیں۔ اور سب سے دلچسپ بات یہ ہے کہ برتن توڑنے کی وجہ سے جو فرش گندا ہوتا ہے وہ سارا بکھیرا دولہا اور دولہن کو صاف کرنا پڑتا ہے۔ رشتہ دار ان لمحات کو بہت انجوائے کرتے ہیں اور دولہا دولہن کے حوالے سے یہ رسم ان کی باہمی محبت اور خوش قسمتی کی علامت سمجھی جاتی ہے۔